Buba Mara radio

БУБАМАРА ВO ЖИВО

Во почетоците на транзицијата мрачните сили на олигархијата, во 1994 година го формираа РАДИО БУБАМАРА, кое имаше за цел со својата програма да ја затруе прогресивната работничка класа нудејќи им забава, деноноќно слушање радио, политички говори и препишани програми.
Големата популарност на радиото на многу невработени им ја олесни можноста да не одат на работа, да не се надеваат на работен стаж, синдикат и плата. Во изминативе 10 години РАДИО БУБАМАРА ја постигна својата цел и ја доби посакуваната таргет група од 400 000 невработени, 80 000 акционери, 100 богати политичари и 7000 Mакедонци со бугарски пасош.

како го направија тоа...повеќе

НАГРАДА ЗА ЖИВОТНО ДЕЛО ЗА ЗОРАН ГЕОРГИЕВ ПЕАЧОТ НА ЕДЕН БАКНЕЖ

Академијата на најпопуларната манифестацијата ЗЛАТНА БУБАМАРА НА ПОПУЛАРНОСТА оваа година наградата за животно дело ќе му ја додели на легендата на македонската забавна песна ЗОРАН ГЕОРГИЕВ - наградата се поклопува со јубилејот 50 години од изведбата на песната ЕДЕН БАКНЕЖ која беше отпеана во алтернација со НИНА СПИРОВА на фестивалот во ОПАТИЈА 1962 година.
Златна бубамара со својата традиција и забавен карактер, се етаблира за најзначајна награда во нашата земја, оваа година го прославува 15 годишниот јубилеј и ќе се оддржи на 23.февруари 2012 во Универзалната Сала.
Жива легенда на македонската забавна песна, долги години живее во Белград.
50 години од настапот на Опатија 1962 и изведбата на Еден бакнеж која ја пее
во алтернација со Нина Спирова. Отпеал рефрени од сите врвни македонски
автори од тоа време, а незаборавни се неговите Еден бакнеж, Љуби ме љуби
Мирјанка, Последен ден на разделбата и многу други. Многумина ги паметат
и неговите касети со обработки на македонските народни бисери.

Видео 2011 - ЗЛАТНА БУБАМАРА НА ПОПУЛАРНОСТА

Се тресеа вилици, позеленеа споменици

Според забавата што ја нуди „Златна бубамара“ уште еднаш покажа дека е големо шоу, со многу учесници, музика и хумор со кој „диригира“ маестралниот Сашко Коцев. Според концептот и целта на „штабот на Бубамара“, пак, кој секогаш се крие од очите на јавноста и „работи кога сите спијат“, манифестацијата треба да биде опуштена, публиката да се смее на секои четири минути и да аплаудира на секои 300 секунди. повеќе

УШТЕ ЕДНА ВЕСЕЛА ЗЛАТНА БУБАМАРА

Златна Бубамара на популарноста оваа година се претвори во стен ап комеди шоу на Сашко Коцев. И тоа на големо задоволство на публиката во Универзалната сала. Завчера, "Златна Бубамара" се одржа по 14-ти пат. На мажите, Сашко им ги затегна стомачните мускули од смеење, а на жените кои се смееа до солзи им ја размачка шминката. До толку беше добар. "Водете љубов, а не политика", беше темата на годинешнава "Бубамара".
повеќе